پاکستان پروشگ اِ نت.

گون زور ءُ جبرءَ اڈ بوتگین پاکستان  ءِ عمر آسر بوگ انت. اے وشین حال هنچو راست ءُ پکا اِنت  که پاکستان ءِ واکدار ءُ بلوچ دژمنین سیاستکاروت منَگ انت.                                                            ۲۰اپریل ءَ سرحد ءِ گورنر اویس احمد غنی ءَ وتی پریشانیان زاهر کت ءُ گشت که 

« عالمی طاقتین پاکستان توڑنا چاہتی هین».

 البت اے واجکار که گیشتر په وتی سرمایه ءُ زران ءُ گورنری ءَ  پریشان انت تان پاکستان ءِ  آینده ءَ چه پٹانین  طالبان ءِ بیم ءَ دل ترگ بیگ انت.. 

پاکستان ءِ پلیتین مشیر داخله  ٹگ ءُ دروگبندین رحمان ملک پاکستان ءِ  سینیٹ ءَ وتی پریشانی ءَ  اچ پاکستان ءِ جاوران درشان کت. 

رحمان ملک که پاکستان ءِ سیاهین تاریخ ءِ مسترین درگبند انت چه بلوچ کوم ء برحقین جهدانی دیمروی ءَ  په بلوچستان ءِ آزاتی ءَ سک پریشان ات گنوکانی پیم ءَ مان سینیٹ ءَ پوتاری کت ءُ گشت که

 هندوستان، اوگانستان، دگه لهتین ملک  پاکستان پروشگ ءَ شور کتگ.  اے جاهل ءُ بلوچ کوشین مردک بلوچ کوم ءِ شهید غلام محمد ءُ شهید شیرمحمد ءَ  ایرانی گشت ءُ  سرمچار براهندگ ءِ باروا بے حساب دروگ بست. اے بیدرین مردک نزانت که په ما بلوچان شهید شیرمحمد ءِ ابدمانین یات ءُ  شهید لالا منیر ءِ نامءُ شهید غلام محمد ءِ یک درین بیانے ءِ ارزش چه پاکستان ءُ ایران ءِ وجود ءَ  گیشتر انت.

 چه آصف زرداری ءُ گیلانی ءَ بگر دان هِندوستانی الطاف حسین ءُ

 نواز شریف ءَ درو پاکستان ءِ حال ءُ روچ ءِ سرا که مه سکرات انت ءُ وتی گڈی ین نپس جنگ انت، 

پریشان انت.  سوات وَ پٹان ءُ طالبان دیرانت وتیگی ءُ مذهبی خودمختار کتگ ، هنون دیم په اسلام آباد ءُ پیشاور ءَ  لانچتگ اش. البت اے پٹان ءُ جلادین پنجاپی یانی مشکل انت که وتی هند ءُ دمگان چونکا بهر ءُ ٹک  کننت. پنجاپی  وَ چه مئی گلزمین ءَ وت تچگا انت ءُ پٹان اگان ژوب ءُ چمن ءَ  گون کندهارءُ سرحد هور  کننت شریا پشتونستان ٹاهیننت شر آ زاننت ءُ آهانی وتی مهلوک ءِ انتخاب.

مئی ایردستین کوم ءِ برحقین جد ءُ جهد په گلزمین ءِ آزاتی ءِ منزل ءَ نزیک انت. بلوچ زانتکار ءُ  سرمچار ءُ ورنا ءُ سوگیگین مات ءُ سیه پوشین گهارانی زحمت ءُ جهدان ءُ شهیدانی زگرین 

هونانی برکت ءَ پاکستان نامین شومین ملکے گار ءُ گمسار بیگ انت . بلوچ ورنا پاکستان ءِ بیرک ءَ دیرانت  سوتکگ ءُ بلوچستان ءِ بیرک ءَ برزءُ برزتر کتگ. 

پنجاپ ءِ پلیتین  جاسوسی ءُ جلادین فوجی اداره وتی کبر وت جتگنت..  پٹان آهان چه پشتونستان تاچینگ انت.  سندی آهانی پاپدان سوچنت ءُ  بلوچ هم آ رسترین جلاد پیش دارگ انت که «کوهین کلات» ءُ گنجین زر ءِ واهند بلوچان وت انت.

پاکستان ءِ پروشگ په بلوچان ءُ بلوچستان مستاگ ایت.

پروشت ءُ پروش بات پاکستان

آزات ءُ آباد بات گنجین بلوچستان

۲۳ اپریل ۲۰۰۹  

محمد کریم بلوچ